អបអរសាទរពិធីប្រកាសតែងតាំងសមាសភាពសាខាសមាគមអតីតយុទ្ធជន និងនិវត្តជនកម្ពុជា សង្កាត់ នៃខណ្ឌបឹងកេងកង រាជធានីភ្នំពេញ

នារសៀលថ្ងៃពុធ ១០រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែមិថុនា ឆ្នាំ២០២៦ វេលាម៉ោង ១៥ៈ០០នាទី

 រដ្ឋបាលខណ្ឌបឹងកេងកង បានរៀបចំពិធីប្រកាសតែងតាំងសមាសភាពសាខាសមាគមអតីតយុទ្ធជន និងនិវត្តជនកម្ពុជា សង្កាត់ នៃខណ្ឌបឹងកេងកង រាជធានីភ្នំពេញ ក្រោមអធិបតីភាព លោក គឹម ឈុនអ៊ូ ប្រធានក្រុមប្រឹក្សាខណ្ឌ 

និងលោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង 

ព្រមទាំងមានការអញ្ជើញចូលរួមពី គណៈអភិបាល លោក អធិការនគរបាលខណ្ឌ, លោកមេបញ្ជាការរងកងរាជអាវុធហត្ថខណ្ឌ, លោកនាយក-នាយករងរដ្ឋបាលខណ្ឌ, លោក-លោកស្រី ប្រធានការិយាល័យទាំង១១ , លោកចៅសង្កាត់ទាំង៧, លោក នាយនគរបាលប៉ុស្តិ៍រដ្ឋបាលទាំង៧ និងលោក-លោកស្រី សមាជិកសាខាសមាគមអតីតយុទ្ធជន និងនិវត្តជនកម្ពុជា សង្កាត់ នៃខណ្ឌបឹងកេងកង សរុបចំនួន ១១០នាក់៕