យោងតាមអនុក្រឹត្យលេខ ០៣ អនក្រ.បក ចុះថ្ងៃទី០៥ ខែមករា ឆ្នាំ២០២៦ ព្រមទាំងបទបញ្ជាលេខ ០១ បប ចុះថ្ងៃទី១៤ ខែកក្កដា ឆ្នាំ២០២៥ ស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ។
នៅថ្ងៃទី០៣ ខែមិថុនា ឆ្នាំ២០២៦
លោក គៀង លក្ស័ អភិបាលនៃគណៈអភិបាលខណ្ឌចំការមន ប្រធានគណៈបញ្ជាការឯកភាពខណ្ឌ រួមទាំង លោកវរសេនីយ៍ទោ លី យូម៉េង អធិការរងទទួលផែនការងារអន្តោប្រវេសន៍ បានដឹកនាំកម្លាំងផ្នែកជំនាញ កម្លាំងមូលដ្ឋានកងរាជអាវុធហត្ថខណ្ឌ។
ប្រតិបត្តិការនេះ ក៏មានការសម្របសម្រួលពីលោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ផងដែរ។
+ចុះត្រួតពិនិត្យរដ្ឋបាលចំនួន ០២ ទីតាំង ៖
១ -សណ្ឋាគារ GRAND ELEVATION HOTEL ផ្ទះលេខ១២៨ ផ្លូវសុធារស ភូមិ៥ សង្កាត់ទន្លេបាសាក់ ខណ្ឌចំការមន។ ជាប្រភេទសណ្ឋាគារកម្ពស់៩ជាន់ ស្មើនឹង ៤៩បន្ទប់ រកឃើញមានមនុស្សស្នាក់នៅសរុប
ចំនួន១៧នាក់ ស្រី០៥នាក់ ០៣សញ្ជាតិ (ចំពោះជនបរទេស មានលិខិតឆ្លងដែន និងទិដ្ឋាការត្រឹមត្រូវ) ។
២ -សណ្ឋាគារ ជូហ្សី សាងយី ហ្គ័នលី ឯ.ក អគារលេខ៦៣ ផ្លូវសុធារស ភូមិ៥ សង្កាត់ទន្លេបាសាក់ ខណ្ឌចំការមន។ ជាប្រភេទសណ្ឋាគារ កម្ពស់០៩ជាន់ ស្មើនឹង ៤៩បន្ទប់ រកឃើញមានមនុស្សស្នាក់នៅសរុបចំនួន ១៧នាក់ ស្រី០៥នាក់ ០៣សញ្ជាតិ ។ ក្នុងនោះផងដែរ កម្លាំងចម្រុះបានត្រួតពិនិត្យរកឃើញមានជនជាតិចិន ចំនួន ០២ នាក់ប្រុស ដែលស្នាក់នៅខុសច្បាប់ (គ្មានលិខិតឆ្លងដែន )បច្ចុប្បន្ន ជនជាតិចិន ទាំង ០២នាក់ ប្រុស ដែលស្នាក់នៅខុសច្បាប់ គ្មានលិខិតឆ្លងដែន ត្រូវបានឃាត់ខ្លួន បញ្ជូនទៅការិយាល័យស៊ើបអង្កេត និងអនុវត្តនីតិវិធី នៃស្នងការដ្ឋាននគរបាលរាជធានីភ្នំពេញដើម្បីបន្តនីតិវិធី ។
-ជាលទ្ធផលនៃការត្រួតពិនិត្យទីតាំងខាងលើ រកឃើញមានមនុស្សស្នាក់នៅសរុបរួមចំនួន ៥០នាក់ ស្រី ២៧នាក់ ០៩សញ្ជាតិ (ចំពោះជនបរទេស មានលិខិតឆ្លងដែន និងទិដ្ឋាការត្រឹមត្រូវ) ៖
-ពុំរកឃើញមានមនុស្ស រឺសម្ភារពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា និងបទល្មើសផ្សេងៗនោះទេ។