ថ្ងៃព្រហស្បតិ៍ ១១រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែមិថុនា ឆ្នាំ២០២៦
បានចាត់តាំង ក្រុមការងារចម្រុះដឹកនាំដោយលោក ម៉ៅ បូណែត អភិបាលរង នៃគណៈអភិបាលខណ្ឌចំការមន ដោយបានការសម្របសម្រួលផ្លូវច្បាប់ពីលោកស្រី ភី ស៊ីថង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានចុះត្រួតពិនិត្យរដ្ឋបាលទីតាំងអគារខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) ក្នុងភូមិសាស្ដ្រខណ្ឌចំការមន រាជធានីភ្នំពេញ។
ទីតាំងអគារ BALI 2 ស្ថិតនៅផ្លូវបើកថ្មី ភូមិ១៤ សង្កាត់ទន្លេបាសាក់ ទីតាំងជាប្រភេទខុនដូរ រកឃើញមនុស្សស្នាក់នៅសរុបចំនួន ១៧៤នាក់ (ស្រី ៧៨នាក់) មាន ៧សញ្ជាតិ មានលិខិតឆ្លងដែន និងទិដ្ឋាការស្នាក់នៅត្រឹមត្រូវ មិនមានបទល្មើស (ONLINE SCAMS) នោះទេ។