នាថ្ងៃចន្ទ ៨រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី០៨ ខែមិថុនា ឆ្នាំ២០២៦
♥️👍@ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល និងជាប្រធានគណៈបញ្ជាការឯកភាពរដ្ឋបាលខណ្ឌកំបូល បានបន្តដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ចុះផ្សព្វផ្សាយអនុក្រឹត្យលេខ០៣ អនក្រ.បក របស់រាជរដ្ឋាភិបាល ស្តីពីការគ្រប់គ្រងសន្តិសុខ សុវត្ថិភាពតាមទីតាំងរស់នៅប្រមូលផ្តុំ និងការបោសសម្អាតបទល្មេីសឆបោកតាមប្រព័ន្ធបច្ចេកវិទ្យា (ONLINE SCAMS) ស្ថិតក្នុងភូមិសាស្រ្តខណ្ឌកំបូល រាជធានីភ្នំពេញ។
ក្នុងប្រតិបត្តិការនេះ គណៈបញ្ជាការឯកភាពរដ្ឋបាលខណ្ឌបង្រ្កាបបានទីតាំងលួចលាក់ប្រព្រឹត្តបទល្មេីសល្បែងសុីសងខុសច្បាប់មួយកន្លែង ស្ថិតនៅសណ្ឋាគារ ហៃឡី និងអគារពាណិជ្ជកម្មកំពុងសាងសង់
ស្ថិតក្នុងភូមិកន្ទោកជេីង សង្កាត់កន្ទោក ខណ្ឌកំបូល រាជធានីភ្នំពេញ ដោយបានឃាត់ខ្លួនជនសង្ស័យចំនួន ៨នាក់ (ស្រី០០នាក់) ក្នុងនោះជនបរទេសចំនួន ៧នាក់ និងជនជាតិខ្មែរ ចំនួន ១នាក់ រួមជាមួយវត្ថុតាងសង្ស័យពាក់ព័ន្ធនឹងបទល្មេីស បញ្ជូនទៅអធិការដ្ឋាននគរបាលខណ្ឌ ដេីម្បីចាត់ការតាមនីតិវិធីច្បាប់។