អនុវត្តតាមប្រសាសន៍ណែនាំ និងបទបញ្ជាយ៉ាងម៉ឺងម៉ាត់របស់ ឯកឧត្តម គួច ចំរើន អភិបាល​ នៃគណៈអភិបាលខេត្ត​កណ្ដាល និងប្រធានគណៈបញ្ជាការឯកភាពរដ្ឋបាលខេត្ត

 នាព្រឹកថ្ងៃទី១១ខែមិថុនាឆ្នាំ២០២៦

លោក ចាន់ តារា បានដឹកនាំកម្លាំងគណៈបញ្ជាការឯកភាពរដ្ឋបាលក្រុងអរិយក្សត្រ បន្តចុះធ្វេីការត្រួតពិនិត្យរដ្ឋបាល តាមបណ្តាទីតាំងខុនដូ បុរី ផ្ទះសំណាក់ ផ្ទះជួល នៅក្នុងមូលដ្ឋានក្រុង​ ​ជាពិសេសកន្លែងស្នាក់នៅ​ប្រមូលផ្ដុំ​ ដេីម្បីពិនិត្យ​ និងផ្ទៀងផ្ទាត់ការស្នាក់នៅ​ សំដៅធ្វេីយ៉ាងណាធានាឱ្យបានសន្ដិសុខ​ សុវត្ថិភាព​ និងសណ្ដាប់ធ្នាប់ក្នុងមូលដ្ឋាន​ ជៀសវាងនូវការជាប់ពាក់ព័ន្ធនឹងការប្រេីប្រាស់ទីតាំងប្រព្រឹត្តបទល្មើសគ្រប់ប្រភេទ​ ជាពិសេស​ Scam Online។

ជាចុងក្រោយនេះ លោក ចាន់ តារា អភិបាលនៃគណៈអភិបាលក្រុងអរិយក្សត្រ លោកបានសូមណូរពរ ដល់បងប្អូនប្រជាពលរដ្ឋ ដែលរស់នៅក្នុងក្រុងអរិយក្សត្រ

ទាំងមូល មេត្តាចូលរួមសហការ និងផ្ដល់ព័ត៌មានមកកាន់សមត្ថកិច្ចជាបន្ទាន់ បេីមានការសង្ស័យទីតាំងឬ បុគ្គលណា ដែលមាន លក្ខណៈ ការប្រមូលផ្តុំគ្នា ជាប់ពាក់ព័ន្ធនឹងការប្រព្រឹត្តបទល្មើសនានា​ ដើម្បីមានវិធានការចុះត្រួតពិនិត្យ និងបង្ក្រាបបានទាន់ពេលវេលា។