កំពង់ឆ្នាំង៖ នារសៀលថ្ងៃទី២៧ ខែឧសភា ឆ្នាំ២០២៦ ឯកឧត្តមបណ្ឌិត ជ្រុន ថេរ៉ាវ៉ាត អនុប្រធានក្រុមការងារគណបក្សចុះមូលដា្ឋនខេត្តកំពង់ឆ្នាំង, អនុប្រធានក្រុមការងារគណបក្សចុះមូលដ្ឋានស្រុកទឹកផុស និងជាប្រធានក្រុមការងារគណបក្សចុះមូលដ្ឋានឃុំក្រាំងស្គារ បានអញ្ជើញដឹកនាំកិច្ចប្រជុំផ្សព្វផ្សាយសេចក្ដីសម្រេចស្ដីពីផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦ ឆ្នាំ២០២៧ របស់គណៈកម្មាធិការគណបក្សប្រជាជនកម្ពុជាឃុំក្រាំងស្គារ។
កិច្ចប្រជុំនេះ មានការចូលពី ឯកឧត្តម លោកជំទាវ លោក លោកស្រី ជាអនុប្រធានក្រុមការងារ និងសមាជិក សមាជិកាក្រុមការងារ ព្រមទាំងថ្នាក់ដឹកនាំគណៈកម្មាធិការគណបក្ស, សាខាបក្ស, អង្គភាពជុំវិញ និងក្រុមបក្សចំនួនសរុប ១៧៣នាក់។
បន្ទាប់ពីបានស្តាប់នូវ ការអានផែនការឆ្ពោះទៅកាន់ការបោះឆ្នោត រួចមក ឯកឧត្តមបណ្ឌិត ជ្រុន ថេរ៉ាវ៉ាត បានពាំនាំប្រសាសន៍សួរសុខទុក្ខពី សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្ដេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា ជូនដល់សមាជិក សមាជិកាក្នុងអង្គពិធី។
ជាមួយគ្នានោះ ឯកឧត្តមបណ្ឌិត ក៏បានបញ្ជាក់បន្ថែមពីគោល បំណងនៃការជ្រើសរើសបេក្ខជន និងក្រមសីលធម៌របស់ក្រុម ការងារ និងគណ:កម្មាធិការគណបក្ស, បេក្ខជនឈរឈ្មោះ និងអង្គបោះឆ្នោត សំដៅធ្វើយ៉ាងណាអនុវត្តឲ្យទទួលបានប្រសិទ្ធភាពខ្ពស់ នូវផែនការរួមឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំសង្កាត់ នៅឆ្នាំ២០២៧ ខាងមុខនេះ ៕
